Raymond Aguileramut suut tamarmi

Raymond Aguileramut suut tamarmik qanorilillutik aallartissimanerinik nalunaajaat 1:30

Immikkoortut 1.-at - Nalunaajaat

Siulittuutit,Takorluukkat,Pisimasut Sinnattukkallu

qanoq ilillutik Raymond Aguileramut

aallartissimanerannik oqaluttuaq.

(Båndinit ullut tamaasa immiussivigisartakkannit allataavoq.Tamangajammi immiunneqarsimaneratut issuarlugu allataavoq,

oqaatsimiit oqaatsimut.Pisimasut takorluukkallu aallarteqqaarmatali qaammatit marluk qaangiummata immiussaasimasut

suli maannakkut ukiut 3-t qaangiutereeraluartut allattorlugit naammassineqanngillat.Inuit ilaasa aqqi allanngortissimavak-

ka.) Piginnittussaatitaavoq 1990-1995 Raymond Aguilera.

_________________________________________________________________________________________________

April 1990:

Takuat,naluara oqaluttuassara suminngaanniit aallartissanerlugu,takinermummi.Taava aallartiffigiinnassuara unnukkuusoq

Anersaaq Illernartumit siullerpaamik pulaarfigineqaqqaarnerma ippassarigaa.Pingasunngorneq unnukkuuvoq.Naalagiari-

artorpunga,naalagiarnitsinnilu arnamut ikinngutinnut qanigisarilluakkannut saaffiginnippunga qinnuvigalugulu qinoqatiggeq-

qullunga,uagut ajornartorsiuteqaratta.Eqqaamavara saaffigiganni qanoq ersiorpasitsigisoq,qinoqatiginiarlungalu akuersivoq.

Marluulluta toqqissisimanngilagut,ajornartorsiutigummi imminnut attuumassuteqarmata.Nalunngilara taassuma soqutigi-

gaanga,uannullumi immikkoqqinnaaq taanna pingaaruteqalersimavoq.

Qeqarluta qinutilluta malugisinnaavara arnap ersissuteqarnera.Nalunngilara kissaatigigaa qinnut una naapallassasoq qaa-

ngiutipallassasorlu,uangali sivitsorsarpara.Aperivaanga pisariaqartitakka tamaasa qinnutigereernerlugit,"naamii"-pallappa-

ralu.Taava qinoqqippugut,immitsinnullu misigisavut oqaluuserillattaartarlugit.Nalunngilluarpakka nammineq inuttut ajornar-

torsiutai qangali atornerlugaasimaneranit aallaaveqartut,tamannarpiarlu pissutigalugu ajornakusoortingaarlugu angummut

aappartaarniarnissamut tunngatillugu.

Uannut eqqaanikuuvaa,ataasiaannarani,nuannaralunga,kisiannili nammineq ajornartorsiutini sorsuutiginiarsarigaluarlugit.

Ajoraluartumilli toqqissisimanngissuterpassuit tamakku pisuullutik imminut aqussinnaajunnaarsimavoq.Qarmarlusooq

sanallugu imminut ungalulluni aallartippaa,inunnullu allanut attuumassuteqarnissani ajornakusoortilluinnalersimavaa al-

laalluunniit oqalunnissamut.Ersinera najummatsersimaneralu malugisinnaavakka,kamannerli taanna uannut samminngi-

laq,imminulli sammitippaa.Takusinnaavara ilumini sorsuuteqartoq,tamannalu anniaatigaara.Annernarpoq naama ilorpiaa-

tigut,qanoriliorsinnaanngilangali,ingiaqatigineranilu ajorneruliinnarpoq,ilukkullu anniaatigaara nalugakku qanoriliussallu-

nga.

Aajuna arnaq isumaqarfigisara uannut ilumut nuaannarinnittuusoq,atassuteqarfigisinnaanngilarali.Maannakkut allat anil-

lareersimalerput,uagulli suli tamaaniippugut oqaloqatigiinniarsaralutalu.Nalunngilara taassuma kissaatigigaa naapeqati-

giinnerput asuussasoq,marluullutali ilungersorluta naaniarsaraarput.Naapinnerput naammat taanna aseruissimavoq.Oqar-

niarpunga assai eruissimapput aallerneranillu masattuinnaallutik,sajuttuinnaavorlu.Qinoqatigiinnerput naapallassasoq kis-

saatigivaa,uangalu ingerlassasunga nammineq angerlarniassagami,periusissaaleqinermilli nikissinnaanngilaq.Taamaam-

mat nikuippunga qimallugulu,taassumalu palasi ornippaa oqaloqatigiartorlugu.Qanoriliorneratigut takusinnaavara eqqissi-

veqanngitsoq.Naalagiarsimasut ilaannik oqaloqateqariarlunga biilit unittarfiannukarpunga.

Qimagutilerlungalu takusinnaavara arnap taassuma oqaluffik marlunnik ilaqarluni qimakkaa.Oqaluppoq malugitinnaveer-

saarlunilu,takusinnaavarali suli toqqissisimanngitsoq.Biilinik ingerlarusaajutigalunga qimerloorpara.Qamuuna anniaatigaa-

ra taakani nikorfalluni sajuttoq isiginnaarakku.Uannut ingasagivunga sorsoqatigiissimannginnatta oqaluuserisaqarataluun-

niit.Taamaallaat suarsunnik oqaloqatigiippugut, - pingaaruteqanngitsunik.Biilerlunga angerlarpunga,imminullu ajuuvissumik

misigisimallunga.Taanna naapeqatigiinnerput erloqinaqaaq.Taamaattorli,ullaanngormat aalajangerpunga ullaakkut qinune-

ra taassumunnga sammitinniarlugu.Taamaallaat taamaaliorsinnaavunga,oqaloqatigiinnikkummi qanillisinnaannginnakku.

Oqarpoq pakkussisinnaanani attuisinnaananilu qanga pisimasut pisuullutik.Imminut aqussinnaajunnaarsimavoq,siornati-

gulli taamaassimanngikkaluarluni.Atagu oqaluttuara nangikkallarlara.Qaammatip ataatsip missaa maani qinoqatigiinner-

put sioqqullugu Biibili imannangaa pinnguarisarsimavara.Ajornartorsiuteqaraangama imaluunniit apeqqutissaqaraangama

Biibili isiginagu taamungaannaq ammartarpara,takuniarlugu Naalakkap akissaneraanga.Eqqaamanerlunngikkukku Testa-

mentitaaq kisiat atortarpara.Siornatigut taamaalioraangama iluatsilluartumik akissutisisarsimavunga.

Pisarnittut Biibili ammarpara quppernermilu quppikkanni kapitalip normua siulleq paasiniarlugu.Inussannik Biibilip qupper-

nerisa sinai ingerlavigeriarlugit quppiivunga.Quppigaralu tassaavoq iivangkiiliu Juannasip allataa,kapitalit 11-at,Lazarus-ip

2:30

toquneranik imalik.Kapitali naallugu atuarpara.Sisamanngorneq ullaajuvoq nal.09:00,ippassaq immikkut ikinngutimalu qino-

qatigiinnitta kingorna.

Ujartorpara qanorilillutik allassimaffiit arnaq taanna pillugu eqquussinnaanerinik.Siornatigut oqarasuaatikkut allassimaffin-

nik atuffattarnikuuara,tigunngikkaangaguli nammineerluni akisartuanut immiussissuttarlugu.Oqarfigisarpaanga allassimaf-

fiit ilaatigut eqquuttarsimasut,taava immaqa uani nassaarsimavunga.Kapitalip atuarnerani tikippara versi 44 (Kristusi oqa-

luttoq) ingerlaqqillungalu,kisianni misigisimavunga atuagara qaangertoorpallaarlugu.Paasisinnaanngivippara,malugisinnaa-

varali atuagara qaangertoorpallaarsimallugu.Uterpungalumi versimullu 44-mut unillunga.Tassalu versi Kristusip Lazarusip

makinnera pillugu oqaasiini kingulleq.

Båndinit immiussarisimasannit tigusat:

Qarlukka panertoorput,unnuarlu naallugu aallersimavunga,unnuillu tamaasa taamaattuaannassagunarpoq.Ullaakkut iterpu-

nga nillertumik aallerlunga.Ilaannikkut oqaasissaraluakka puiortarpakka,Satanip isumaga saassuttarmagu,ingerlaqqinniar-

tarpungali sapinngisaralu naapertorlugu oqaasissakka eqqaamasakka oqaatiginiartarlugit eqqaamanerilu tulleriisinniartar-

lugit.Nalunngilarami oqaluttualeraangama Satanip saassuttaraanga.Pisimasut taamaattut arlaleriaqalunga misigisarsima-

vakka,isumagali saassuttuaannartarpaa.Pisimasut oqaluttuarinialerikkalu puiorsartarpaanga eqqaamasaarutsillunga.

Paasisinnaanngilara sooq tamanna pisarnersoq,arlaleriaqalungami misigisarpara,isumagali imaaruttarpoq,nalunngilaralu

Satani pisuusoq.Ilaannikkut saassuttarpaanga ersiortillunga,ersinermit sajutsillunga aallertillungalu.Ajortunik eqqarsaler-

sarpunga,sapinngisannilli tamanik peqqissaartumillu oqaluttuuttarniarpakkit.Qinunikuuvunga taamaaliorninni Anersaap

Illernartup ikiussagaanga.Massakkorpiaq,uuminnga oqaluttuunninni,malugisinnaavara...Satanip qanissusia.Eqqissiveqan-

ngilanga,uulippungalu,makkuli pisimasut pingaarutillit oqaluttuarineri nangittariaqarpakka.

Massakkorpiaq isumaga imaaruppoq,eqqaamanngilara sumut killinnerlunga...Naalagaq Jiisusi,Kristusip aqqani.Ikiunnga!

Ikiunnga ingerlaqqitsillunga.Oqarfigaakkimmi taamaaliorniarlunga,taamaattumik ikiunnga.Eqqaamannissinnaaninnik iki-

unnga.Eqqaamanngilara sumut killinnerlunga.Ataatap,Ernerullu,Anersaallu Illernartup aqqani.Naalagaq Jiisusi paarinnga.

Kristusip Aqqani,maanngaanniit aniit Sataniaa.Ilumoorpunga! Ataatap,Ernerullu,Anersaallu Illernartup aqqani.Ataatap Er-

nerullu Anersaallu Illernartup aqqani.Satan,maanngaanniit aniit! Naalagaq Jiisusi,Naalagaq Jiisusi maannakkorpiaq ikiun-

nga! Qinnuigaakkit.

Ila Guutiga.Imerusoqaanga.Imeru..so..qaanga.Nalunaaqqutaq ullaassakkut pingasut sisamat missaaniissimassaaq,pinga-

sunngorneq,28.juli 1990,isumaqarpunga,26.juli-mi ataasinngornerugami.Naluara,amerlaqaammi takkussuussimasut pisi-

masullu,tamakkulumi tulleriiaarneri kiisa nalulerpakka.Piffissaq uannut isumaarussimasutut ippoq,anersaat silarsuaanni

imaluunniit maani nunami,piffissami kingullermi.

Isumaga suli imaqanngilaq,qarluukkalu panerput.Isikka qulleqarput.Igalaakkut,naatsiivittalu orpiisa akornisigut seqineq nu-

isoq takuara.Suli sila qaammanngilaq,seqinerli qullariartortoq takusinnaavara.Manna paasisinnaanngilara.Oqaluttuara ta-

matigut nangissinnaasaraluarpara,isumaga imaarukkaluaraangat,-eqqaamasaqaleqqittaraluarpungami sikuntialunnguit mi-

nutsiluunniit qaangiukkaangat,tupinnarli,maannakkut...

Uumaannguaaraa! Qanera panerpoq.Eqqaasaqangajavikkaluarpunga,isumagali uani oqaluttuami imaarutivippoq.Oqarpu-

nga imaqanngilaq,soorlumi eqqaamasaarutivilluni.Unnuk manna ajortup qaninnera assut sakkortuvoq."Kristusip aqqani,

Naalagaq Jiisusi paarinnga!Siniffiga qaarajuttumik illersuummik pileruk,soorlu taamani ullaakkut Iliorsimasutit".Ajunngi-

laq,eqqaamasaqaleqqippunga."Qujanaq Naalagaq".

Oqaluttuaq uterfigalugu:

Versit taakkua atuarpakka,soorlulumi oqarfigineqartunga taanna pingaaruteqartuusoq.Nassuiarsinnaanngilara sooq,qanor-

luunniit.Illit taasinnaavat "misigisaq",uangali oqaasertalersinnaanngilara.Ilaannikkut oqaasertalersinnaanngittarpakka taku-

sakka,imaassinnaavoq oqaatsit pigisakka amigarmata,misigisartakkakkali ilaatigut timikkut paasiuminaattarput,nassuiaru-

minaatsorujuullutillu,sakkortungaartarnermit.Kissaatigigaluaqaara nassuiarsinnaassallugit (nalunngisanut assersuullugit)

qanoq qalipaatit isigisarnerlugit,Guutillu Satanillu pissaanerat nakuussusiallu.

Biibilimili taakku versit atuarakkit,Juannasip iivangkiiliuani kapitali 11-mi,tassunga arnamut pinngitsaalisatut sianeqqune-

qartutut ippunga.Nalunngilara sulisoq,nalunaaqqutarmi pingasunngornerup ullaavani pisimasoq una pimmat 09:00-inngor-

poq.Silaqarluanngitsutut misigisimavunga,ikiorusupparali.Oqarfiginikuuvarali toqqissisimanarinngimmagu ingalassimaniar-

lugu.Misigisaq sakkortuvoq,soorlu "Ray,soormi paasissutissat taakku tunniutiinnarnianngiligit,sianerfigalugu allassimaf-

3:30

fiillu tunniullugit? Immaqami massa ajunngitsuliorfigissagit...taamaassinnaavoq."Tamanna eqqarsaatigilluariarlugu im-

minut oqarfigivunga "OK".Kapitali versillu taassumunnga tunniukkukkit suna ajutoorutaasinnaava?Sianerfigivara,naak

uannut tamanna isumaqanngikkaluartoq.Taamaattormi,ullaakkut 09:00 suliartoreersimammat angerlarsimaffiani oqa-

rasuaataa sianerfigaara.

Oqarasuaataata nammineerluni akisartua immiussilermat oqarpunga:"Ray-iuna,atuaruk Juannasip iivangkiiliuani kapi-

tali 11-mi versit 1-miit 44-mut" ilillugulu.Taava imminut oqarfigaanga:"Eqqumiitsumik iliorpunga,atagu qanormita kingu-

neqassava."Taanna atuaqqilerakku qanittoqartoq misigisimavunga,qanoq nassuiassanerpara,sunaanerporlu,sakkor-

tuumik misigisimavunga arnaq taanna sianerfigeqqissagiga.Qularnaarlugu paasinngilara,misigisimavungali pisariaqa-

vissumik pingaaruteqartoq qularnaassaginga allassimaffiit eqqortut tunniutissagikka.

Misigisaq taanna nassuiarsinnaanngilara.Silaannarmiit soqanngitsumiit uannut pivoq."Naagga",oqarfigivunga,"Sianiit-

sorpallanneruvoq.Aatsaaqqinnaannguaq nalunaarfigereerpara.Isumaqassooq sianiitsuvissuusunga".Misigisarli immik-

kuullarippallaaqaaq,aammalumi tamaannga killereerama oqarpunga,"Soormimi?",taavalu sianerfigeqqippara unalu o-

qarasuaataata nammineerluni akisartuanut immiullugu:"Eqqaamanngilara allassimaffiit eqqortut tunniussimanerlugit,

atuarniarigilli Juannasip iivangkiiliuani kapitali 11-mi versit 1-miit 44-mut,-pingaaruteqarpoq." Naluara sooq pingaaru-

teqarnera taanerlugu,taavarali.

Tamanna tamarmi eqqumiippallaaqimmat,uangarpasinngimmallu,imminut oqarfigaanga,"Aammaarlugu atuaqqittaria-

qarpara".Taavalu Juannasip iivangkiiliuani kapitali 11 versit 1-miit 44-mut atuaqqilerpakka.Immaqa versit marluk pinga-

sulluunniit atuareerlugit,taava, - Guutiaa,misigissuseq imaattoq malugilerpara.Nerfallarlunga siniffinni nalavunga,malu-

gilerparalu taanna kissarneq.Kissarneq taanna ingerlaarpoq uummatikkut,niukkut ammut,talikkalu illuttut aqqusaari-

arlugit anillalluni.Kissarneq ingasalluinnarpoq.

Taavalu qialerpunga.Qissaserpunga!! (Uani ilanngutilaartariaqarpara,uumap immiunnerata ilaa allatut nipeqarsinnaam-

mat,pissutigalugu pisimasoq una oqaluttuareqqinnialerakku aamma uannut aqussinnaajunnaarlunga qiaqqilerama.)

Qissasiinnaqaanga!!...

Qiavunga... nipangerneq ajulerpunga!... Qiajunnaarneq ajulerpunga paasiniarniaraluarlugu susoqarnersoq,... uanga...

misigaara,... takuara.Takuara taanna ammalortoq,imaluunniit qaarajuttoq sunaanersoq,sumit tamaanngaanniiginnaq

takkuteriasaartoq.Akimut isigisinnaavara.Taassuma qaarajuttup illersuutitullusooq siniffiga tamaat ataaniit qulaanut

assersimavaa,nerfallarlunga nalaffigisara.Taamaallaat oqarsinnaavunga akimut isigisinnaallugu.Sinifferujussuara ta-

maat ungalusimavaa.Timiga naartutuut pequliatsillugu inissippara,aallilerpungalu.Taava paaseriasaarpara Anersaaru-

na Illernartoq.Ataqqinartup Taassuma qanissusia malugalugu imaannaanngitsorsuuvoq.Misigisimavunga iluarusullu-

nga,aammalu tassaniitsussaanngitsutut,ataatsikkut,uummaarissutullu misigivunga...Eqqaamavara erqarsarlunga,"maa-

niuna susoqartoq?".Manna nutaarluinnaavoq...Unilaartariaqarpunga,massakkut oqalulluarsinnaanngilanga,pisimasum-

mi misigeqqilerakkit...

Ok.,uterpunga.Pisimasut pitillugit taamaallaat qiasinnaavunga,qiatillungali ikinngutiga arnaq takuara.Takusinnaavara,

imaluunniit malugisinnaavara,immaqa illit eqqoriarsinnaavat takullugulu misigiginga,naluara eqqortumik qanoq nassu-

iarsinnaanerlugu,tarnigali timaanut pulavoq,allatulluunniit assingusumik.Eqqoriaannarpara,naluissorpara.Misigisaali atu-

lerpakka,tarningata suut misiginerai... (Pisimasup uuma immiunnerani uannut aqussinnaajunnaarpunga qialerlungalu.)

Ila Guutiga-aa ajussusia...Qunutitaaneq malugaara... Malugaara...annikilliorneq... Malugivissorpara... Malugivissorpara.

Guutiga... Guutiga,ilumuuvippa taamannak malugisimasaliik... Ikioruk! Ikioruk! Guutiga.

Taava takuara uanga oqaluunniarsarigaanga,suunersulli toqqusassivaa.Taava takulerpara anersaapiluk,imaluunniit su-

naanersoq taamaattumut assingusoq.Sunaanersoq naluara,oqarporli:"Tiguara,iperarnavianngilaralu.Qanoriliornissat

soqutiginngilara.Iperarnavianngilara!" Takorluukkallu taassuma ingerlanerani qiajuarpunga,qiavunga Naalakkap saani qi-

avunga,pisoq isiginnaajutigalugu piffimmi allami,silarsuarmiluunniit allami.Anersaapiluk oqarpoq:"Arnaq toqqusaavatigut

tiguara,aammalu sumiitikkusuffinniitippara,tamaaniissaarlu.Qanoriliornissat soqutiginngilara,aammalu paariinnassava-

ra."

Takorluukkama tulleraa pinnguaat ikiffigalugu kaavittarfik,atuarfiit anitsiartarfiini takussaasartut ilaat.Taassumallu aner-

saapiluup,suunersulluunniit ikinngutiga ikitillugu kaavitittaqattaarpaa,uppeqqajaasutullu inissisimatillugu.Kaavittarfimmiit

ikinngutiga niusinnaanngilaq.Takusinnaavara nioriaraluartartoq,sinerpartilersorlu anersaapiluup taassuma kaavittarfik a-

jattarnerulersarpaa sukkaninngorlugu,- taamaattumik pissiissinnaanngilaq,sukkavallaaqimmat annilaangagigamiuk.Aner-

saapiluullu sukkatsikkiartuinnalersikkaangagu ikinngutiga kaavittarfiup qeqqanut utertarpoq.Misiginneqatigigaangakku,

4:30

uannullu annikigalunga.Tassani takorluugara naavoq.

Eqqaamavara anersaapiluup kiinaata assigingaa filmimi Star Wars-imi inuttaasut ilaat Yoda.Kiinaata niaquatalu Yoda

assigivaa siutaalu inngigissut qingaalu mikisoq.Taavalu avatangiisikka ilisareqqilerpakka,paasillugulu naalungiarsuttut

qissasersimallunga,nalinginnaasumik qianngilanga,oqarniarpunga...,qiavunga uummatima naqqaniit,tarninniit.Pingasu-

nik ukiulittut unatarneqarsimasutut aanaarlunilu qimaannarneqarsimasutut qiavunga.Aqussinnaanngisannik qiarsuataar-

punga.

Taava qianera allanngorpoq misigisamut soorlu naammassisaqarsimanermut,malugaaralu eqqissineq misigalungalu eq-

qiarneqarsimasutut.Nalunngilara tassaasoq Anersaaq Illernartoq;Aggersimavoq pisimasoq taanna takutikkiartorlugu,an-

niaatigalu peeriartorlugu.Pisimasoq uumatut ittoq uannut pisartuunngikkaluarpoq,uangami inuit imaattut ilagaannga,suut

tamarmik imaallutik,soorlu 2 plus 2 inerneqassalluni 4-mik.

Eqqaamavara qanga "Kristumiut peqatigiit" ataatsimoornialeraangata ornittarsimagakkit.Uanga uku ilagisimavaannga tu-

norlerpaamut inissittartut,qimerloortarlugillu tamakku inuit oqaatsinik allanertanik oqaluttut,imminullu oqarfigisarlunga,

"arraa takkuuk makku inuit imminnut illaruaatissanngortittut".Taakkuami amerlanersaat ilumoorussivinngillat.Nipiliuinnar-

put tusaqqusaaginnarlutik.Qatanngutigalu arnaq marluulluta tamakku oqallisigisaannarpavut.Assuarisaqaagut,ilumoorpa-

sittannginnermummi,nalunngilaralu ilumuuvinngitsut,inuimmi ilaqartuaannartarput oqaasissaqartuaannartunik,imaluunniit

oqalukkaluaraangamik isumasineq ajornartunik.

Allaat ullumikkut takusinnaavakka,oqarlungalu,inuit ilaat tusaqqusaaginnartartut;takoqqusaartarput Kristumiusutullu isi-

gineqarusullutik.Aallaqqaammut,inimi kiluarlunga tunorlerpaamiit arajutsinianngittarpunga isiginnaartarlungalu,maannak-

kulli,uannut arlaannik pisoqalerpoq.2 plus 2-jutimma inernerat 4-raajunnaarsimavoq.Kristumiuujuaannarsimavunga,tas-

sami inuunera tamangajaat.Upperpunga Guutimut,Ataatamut,Anersaaq Illernartumut,Ernermullu,Jiisusi Kristusimut.Eq-

qarsaatigilluaraangakku,siornatigut eqqumiitsumik ataasiarlunga marloriarlungaluunniit misigisaqarsimavunga,uumatul-

li inngitsumik.Kristumiuussusera aalaterneqarpoq.

Ilaannikkut imminut oqarfigisarpunga,"Siniffinni nalatillunga qaarajuttumik siniffiga ulinneqartoq takugakku,Anersaallu Il-

lernartup qanissusia malugalugu qamuunalu iluarusunnermik misigalunga,imatuinnarli nalunaarutigisinnaallugu taamaal-

laat qiarsuataarnikkut.""Uffami,Ray,pissusissamisoorputit."Misigisaq taanna ima ataqqinartigaaq,nassuiarniassagaanni

oqaasiinnaat atorsinnaanngillat.Oqaatsit oqaatiginiakkannut nassuiarniakkannullu isumaqanngillat.Nunami timiga isuma-

galu eqqarsarput,"Ray,sapangilerpatit,aqussinnaajunnaarpatit.""Maani pisoqarpoq,taamaattussaanngilarlu.Silaarutilerpu-

tit;minutsialunnguit siorna ajunngikkaluarputit.Inussatit seqqortinniakkit qaatunniassaatit.Ilinnut aqussinnaaqqilerniarit."

Qanoriliuuseqarsinnaanngilanga,taamaallaat qianermik.

Pisimasup ingerlanerata ilaatigut imminut aqoriaraluartarpunga,sivisussuseqarpormi,eqqoriarpara,akunnerup affaanik i-

maluunniit 45 minutsit.Timiga aallerpoq-naartutuut pequliassimalluni.Malugivara Pissaaneq,Anersaaq Illernartup Naalan-

nassusia,kipiumanngilarlu.Naggataagut itisuumik ilummut anersaariarlunga imminut sajutsippunga oqarlungalu "Unitta-

riaqarpoq."Taava nikuippunga uffarfimmullu iserlunga;silaga aalalaarpoq.Soorlumi imersimasunga susimasungaluunniit.

Kiinara allarteriarlugu siniffinnut qaqeqqippunga.Imminut oqarfigaanga,"Aqutsisinnaajunnaarputit,maaniuna allamik piso-

qartoq.Imaattoruna...",uummatikkulli nalunngilara tassaasoq Anersaaq Illernartoq,aamma...(naa,panertooqaanga).

Imminut oqarfigaanga,"Atisalersoriarlutit nerisassarsiorniarit"(qaammatini kingullerni nerisarsimavakka Chef Salat-it ne-

riniartarfimmi Jack-in-the-Box-imi,sanigorsimavungalu iluarusussimallungalu.)Taava oqarpunga,"Qaa,ilungersorniarit."

Taava atisalersorpunga,biilinullu ikeriarlunga aqqusinikkut ammut aallarlunga,sajulaaraluarlunga.Eqqaamavara La Pa-

lomap eqqaatigut saamimmut sangugama,qattuneq ammut sivingajaaq immikkoortortamut atsinnerusumut aqqut,qat-

tornullu naqqanut aqqutaata marlunnik pingasorarterutaanut killittunga Anersaap Illernartup Qanissusaata aammaarlu-

ni eqqoqqippaanga.

Aa,tarniga...nalunngilat qiasunngulluni soorlu toqqusaanut ammalortumik unittoqartartoq,nassuiagassaanngilaq.Soorlu

ilukkut qaffiumisaartoqartartoq sajukulaarnarlunilu.Aqunniarsariniaraluarnarpoq ajornaqaarli.Taava toqqusaamiittoq am-

malortoq katattuusisarpoq,uumannguaaraa,aamma qiaqqiliinnaqaanga.Ileqimisaartorpunga oqarlungalu:"Maaniuna su-

soqartoq,susoqartoruna?"Tamanna pissusissamisuunngilaq,Uanga taamaanngilanga,natermut tamaasa sapangippak-

ka.Oqaluinnalerpunga "Ray,aqunniakkit,aqunniakkit.""Maaniuna susoqartoq?"

Tamakkuninnga imminut oqaluuppunga,immaqalu allanik,qattornup naqqanut ingerlatillunga.Biilinni issiallunga eqqar-

sarpunga "Makku pillugit arlaannik oqaloqateqartariaqarputit.""Inuit arlaanut oqartariaqarputit aqussinnaajunnaarsimal-

lutit."Neriniartarfik qanillattorpara meerannguatut qiaatigalunga.Taava isikka qullingiarterpakka,qattornup naqqani,alla-

gartap uneqqusissutip saavani,imminullu oqarfigalunga,"Qanoriliussaanga?"Taava ilummut anersaarujussuarpunga

imminullu eqqissisarlunga.

5:30

Jack-in-the-Box-ip eqqaani biilit unittarfiannukarama takuara ikinngutima biilia uninngasoq.Taanna arnaq ukiorpaalun-

ni takusimanngilara,nalunngilarali qanorittumik biileqarnersoq.Uannut oqarfigaanga:"Takkuk nuannissusia,aatsaanngu-

aq imminut oqarfigivunga,inummik allamik oqaloqateqartariaqarlunga."Ikinngutiga katinnikuuvoq arlalinnillu meeraqarlu-

ni.Taannaavorlu ukiut 20-t missaasa matuma siornatigut katuullit oqaluffiannut uannik utertitsisimasoq.

Biilimiit anivunga,sapinngisamillu sissuerlunga neriniartarfimmut iserpunga,ikinngutigalu tununngasoq takullugu;kisimi

aningaasanik nakkaatitsilluni oqarasuaatip eqqaanut ingissimavoq.Eqqaa inoqarunanngimmat ornippara aperalugulu:

"Sherrill,kisimiippit?"

Qummut qiviarluni akivaanga,"Aap."

"Oqaloqatigilaarsinnaavakkit?" aperaara.

"Minutsialunnguaannarni maaniissinnaavunga,suliartortariaqarama" akivaanga.Taava kiinnakkut toqqarlunga isigaanga

oqarlunilu:"Ray-iaa,allaanngilatit aliortukkamik takusimasutit."

"Takugunarama",oqarpunga.Taava nerisassannik iniminniiartoriarlunga nerrivimmut orneqqippara pisimasunillu oqalut-

tuullugu.

Arnaq taanna ukiorpassuarni ilisarisimavara,aammalu uininngitsiarnerani ukiuni pingasuni ikinngutigiilluinnarsimalluta.

Marluulluta naalagiaqatigiittarsimavugut piffissami sivisuumi.Immitsinnut nalunngeqaagut,ilisimallutigulu upperisap tu-

ngaatigut sumiinnerluta.Oqarfigivara ullaarli pisimasut kingorna imminut aqussinnaajunnaarsimallunga,inummillu oqa-

loqateqartariaqarlunga.

Oqarpoq:"Nalunngiliuk ullaat tamaasa Pinole-mi Carl's Jr.-mut neriartortartunga,sunali pissutiginerlugu maannarsima-

vunga,siornatigut taamaaliorsimanngikkaluarlunga"

Akivara:"Immaqa uanga oqaloqateqartariaqarnera pissutigalugu",immitsinnullu nakkutiinnarpugut.

Oqaloqatigiitsiareeratta imminut aqussinnaaqqilersimavunga,qangalu pisimasut ilaquttagullu eqqartulaatsiarpavut.Taa-

va suliartorpoq uangalu angerlarlunga.Angerlamut apuukkama sunaaffa qatanngutiga arnaq taakaniittoq eqqiaalersimal-

lunilu,ippassarmi unnukkut ikinngutitsinnik pulaartoqarnikuugatta,ernermalu ikiorpaa.

Majuartarfikkut qaqigama iggavimmut iserlunga takuara nerriviup qaava asakkaa.Suna tamarmi ilisaavoq.Issiavissarsio-

riarlunga ingippunga.

Oqarpunga:"Cristina,ullaaq uannut pisimasoqarami."

Nakkuteriarlunga quiasaarluni oqarpoq,"Anersaanik takorluukkanillu takunnikkavit?"

Inuit takorluukkersaartartut quiasaarutigisaannarpavut.Isumaqanngilanga kristumiuulluartorujuulluta,assuarinninniaann-

artuuvugullu.Taamaattut upperinngisaannarsimavagut.Naluara,taamannalli oqarmat malugaara soorlumi uummatikkut

savimmik kapigaanga,qialerpungalu.Uannut aqussinnaanngilanga,ilumut,pikkunartorujummik qissaserpunga.Malugisin-

naavara qatanngumma oqaasia tarnima anniaralugu qissatigigaa,tamannalu anniaatigaara.Ernera sinittarfimmiit anillak-

kami kiinaa soorlu ima oqartoq,"Ataatagaana susoq?"

Qatanngutinnut oqarpunga:"Naluara susoqarnersoq.Uangaana...nalunngilat"

Taava ornillunga taliminik eqippaanga,qinoqatigiilerpugullu.Qinulluni iluaallaqaaq,tassalu aamma uannut aqussinnaajun-

naaqqippunga.Ernerma nakkuppaanga isaalu ima oqarniarput:"Ataata ajortivippoq!" Isumaqarpunga maannakkut akun-

nerup ataatsip affallu missai qaangiuttut siullerpaamik ilumoortumik Anersaaq Illernartumik misigisaqarninnik.Tassalu

manna sumi qanorlu...ulloq unnullu siulliit naasut Anersaaq Illernartumit Qaninngoorfigineqarnera.

Anersaap Illernartup aappassaanik pulaarnera:

Oqaluttuunniarpakkit pisimasunik allanik,naluarali tulleriiaarneri eqqortuunersut.Pisimasut inissinnerlussimasinnaavakka

sapinngisannilli eqqoqqissaartumik oqaluttuarissavakka.Maannamut qaammatit marluk sinnerlugit ingerlasimapput.

Pisimasup siulliup kingorna ullualunnguit qaangiuttut ikinngutima ilaanut Alice-mik atilimmut sianerpunga.Alice naalagia-

riartortarsimavoq uanga naalagiariartortarfinnut Qajannaatsup Oqaluffianut,asoorussimalluguli ikiunngimmanni.Qajann-

aatsup Oqaluffianiit (Four SquareChurch) "anisimavoq".Tamatuma kingorna Mormuunit Oqaluffiat ornittalerpaa.

6:30

Tassaavorlu annikikkaluamik Alice-mik ilisarisitsineq;Kristumiuuvoq sunniisinnaassuseqarluartoq.Aap,Alice-mut sianer-

punga pisimasunillu oqaluttuullugu.Oqaluttuuppara tamakku pisimasut paasisinnaanagit,nalullugulu sooq pisimanersut,

aammalu pisimasut paatsiveerusimaartivikkaannga.

Alice oqarpoq:"Anersaaq Illernartup ornissimavaatit allamik qinnussigavit ilinnuunngitsorlu,aamma Anersaaq Illernartup

taamaaliorneq nuannarisarpaa." Oqaqqippoq:"Tamanna tulluusimaarutigisariaqaraluarpat.Kissaatigigaluaqaara uannut

taamannak pisoqassasoq."

Oqarpunga:"Misigisimanngilanga tulluusimaassallunga immikkulluunniit ittuullunga.Misigiinnarpara qiarusullunga."

Oqaqqippoq:"Taamaaleqqissagaluarpat Anersaaq Illernartoq aperiniariuk "Sooq".Anersaaq Illernartup akiumaarpaatit,i-

maluunniit nassuiaaqqullugu qinnuigisinnaavat."

Taava akivara "Okay."

Taavalu,unnuk taannarpiaq,eqqaamanngilara akissutissamik qinunerlunga imaluunnit naami;maannakkorpiaq eqqaama-

sinnaanngilara,soqutaanngilarli,sinitsillunga...pisup qanoq ataqqinassusia nassuiarsinnaanngilara:Nallavinni sinittunga

aammaarluni Anersaaq Illernartup Qanissusia takkuteqqippoq.Taassuma Qanissusia misigivara,sinittarfigalu ulikkaavip-

paa.Oqaluttuarisassaanngilaq,Pissaanersuarminimmi itertippaanga.Ini ulikkaavippaa,erniinnarlu timiga naartutuut pequ-

liaqqippoq sajulerlunilu.Nalunngilara tassaasoq Anersaaq Illernartoq,malugivarami,qialerlungalu.Oqarniarpunga,qiaqqi-

lerpungaasit - nipituumillu,massakkulli Anersaaq Illernartup Qanissusia siullermerniit sakkortuneruvoq.Isumaqartungaa-

na,sakkortoqaaq.Takkuteqqaarmat isumaqarpunga sakkortoorujuusoq,maannakkulli uppernanngivippoq.

Takkuteqqaarmat misigisaapput tokorloornertallit,maannakkulli attaveqatigiinnertaqarpoq,imaanngitsoq oqaatsitigut,isu-

mamiilli isumamut,imaluunniit,Anersaamiit anersaamut.Taannaavoq eqqarsaatinik paarlaasseqatigiinneq.Qarlunnik oqa-

aseqanngilanga.Soorlu assilissatigut oqaluunneruvoq.Anersaaq Illernartup oqaluttuutinngilaanga, - isummakkut takutip-

paanga suna pillugu ornissimagaanga.Tamatumalu ingerlarnata annerssaani uanga qiaannavippunga.

Una paasiniarsareriassagit,qiavunga;NIPITUUMIK qiavunga,isumagali eqqissisimavoq Anersaarlu Illernartoq attaveqati-

galugu,anersaaralu aqussinnaallugu,imaluunniit qanoq taarusukkukku.Timigali qanoriliorsinnaanngilaq,taamaallaat qia-

sinnaavoq,isumaga QIAANNAVIPPOQ! Imaanngitsoq nalinginnaasumik qialluni.Timiga pequliassimalluni aallilerpoq.Na-

luara taamatut pequliassimanera illersuutaanersoq,soorlu naartuugallarnermisut,imaluunniit alliartornersoq,nalunngilara-

li Anersaaq Illernartoq ininniittoq,eqqaavaralu Alice oqarmat,"Aperigina sooq?"

Uani taama qiatigalunga aperinissannut sapiissuseqalerpunga:"Sooq uanga? Susoqartoruna? Misigisimavunga soorlu

silanngajaalerlunga."

Anersaarlu Illernartup oqarfigaanga:"Ray,Tulluusimaarutigaatsigit.Ajunngitsuusimavutit,ikinngutit arnaq aseruutigeqina-

gu",Anersaallu Illernartup eqqissisarpaanga.

Akivara:"Sooruna?Susoqartoruna?"

Anersaarlu Illernartoq oqarpoq:"Aggerfigaakkit,pingasunik iliuuseqarsimagavit."

Oqarpunga:"Iliuutsit pingasut,-sugama?"

Immaqa tatiginninnerulersimavunga,toqqissisimallunga ernumanangalu misigisimagama,soorlu ikinngummik oqaloqa-

teqaannarlunga.Immaqaluunniit Anersaap Illernartup naalannassusiata sunnermanga,kisiannili suli NIPITOORSUAR-

MIK qiavunga.

Anersaap Illernartup isummannut assilissanik takutippaanga 1989-imi oktobarimiit,sapaatip akunnerata naanerani Ca-

liforniami nuna sajunngitsiartoq.Aappaqanngitsut 20-t missaat Yosmite-mukarsimapput qinujartorlutik.Amerlanerit pisu-

innarluta majuarpugut qorlortumut tassunga,miilit marluk pingasut missaani ungasitsigisumiittumut sivingajaakkut aqqu-

sineeqqakkut ingerlavitsinniittumut.Qummukarnitsinni aajuna angut inuusuttoq 28 missaani ukioqarunartoq.Nammatta-

gaqarpoq naalungiarsummut arfineq pingasunik qulingiluanilluunniit qaammatilimmut poorisaminik,niviarsiarannguarlu a-

sanavissoq saniani ingiaqataavoq;pingasunik sisamanilluunniit ukioqarunarpoq.

Ingiaqatigiikkaajulluta uiartertarparput,aqqusineerannguaq assersimammagu,arriitsunnguamillu majuarusaarpugut sissu-

erluta,pissutigalugu aqqutigisatsinni ipittunik ujaraaloqarnermut.Aqqusineeraq iluamik ersippianngilaq ilisarnaranilu,aq-

qusineeraavorli.Tassa tamatta aqqusineeqqakkut qummut ingerlarusaarpugut,qaavanullu,qorlortoq isiginnaariartorlutigu.

Akunnerup affaata missaani qorlortoq isiginnaariarlutigu aqqusineeqqakkut ammut aallarpugut.

7:30

Tamanna erseqqarivissumik isummakkut isigaara, - soorlu akuullunga.Tamaat misigeqqilerpara.Aajuna,qattorngup qaa-

vaniit ammut miilip kuartiata missaani taanna inuusuttoq ujaqqamut ingissimavoq.Taannakulunnguaq kiagussuataarpoq

soorlumi atisani atorlugit kuutsittivigitissimasoq.Soorlumi aamma issanngusoq.Pania pingasunik ukiulik saniani qeqar-

poq ippimmullu nakkussilluni,sulilu naalungiani nammattakkaminiitillugu.Nukappiaq taanna nukillaavissimavoq,ingerlaq-

qinnissaalu qularnavippoq.

Taavalu kristumioqatigiiulluta angalaqatigiiusugut saneqqutiinnarlugu ingerlaqqileratta qaangileraluarlugu suna pinerlugu

unippunga tunummullu qiviarlunga.Takusinnaavara angut ajornartorsiuteqartoq,qanoriliussallungali periusissaaleqivunga

maani qeqartillunga nakkutiitigalugu.Ilukkulli misigivara taanna annernartoq angisooq,nalunngilaralu qimaannarsinnaa-

nagu.

Sapiiseriarlunga ornippara aperalugulu:"Ikiorsinnaavakkit?"

Qiviarpaanga nakkullungalu;kiinaa kiagummik masattuinnaavoq.Inuppassuit saneqqutiinnarsimavaat,isumaqarpungalu

sanngiitsutut isigineqarasuisoq.Nammineq nalunngilaa qaqqami maani meeqqanilu ingerlaqqissinnaanngikkallarlutik.I-

summamigut maannga killissimavoq,paasisimallugu isumaatsuliorsimalluni.

Takusinnaavara putukkunniit kassinnut misissoraanga,takornartaagamami.Imminulli pingaartinnera tikiuppoq oqarlunilu:

"Naamik ajunngilanga.Qorlortoq takusarnianngilara,kiannermut nuanninnginnami."

Oqarfigaara:"Ajunngilaq,aterniaruvit taava meeqqarnik ikiorlakkit."

Naasisaarlunga nakkuteqqeriarlunga oqarfigaanga:"Naamik ajunngilaq."

Akivaralu:"Uannut pisariunngilaq."

Sikunti ataaseq utaqqilaariarluni oqarpoq:"A,ajunngilarmi."

Taava nikuippoq,uangalu jakkera qitinnut qiliullugu,ullumimi kiattorujussuummat aterusunngilara.Talera isaallugu niviar-

siarannguaq tasissiuppara.Arriitsumik nikuinniarsareriarluni assaata illua angutaata tiguaa,nammattagaaniipporlu suli

meeqqap aappaa.

Aqqusineeqqakkullu ammut aallarpugut.Ingerlanitsinni oqaluttuuppara Kristumioqataalukka kisermaat ilagalugit qinoqa-

tigiikkiartorsimalluta.Taava oqaluttualerpoq suna inuussutissarsiutiginerlugu,aammalu upperisamut tunngasunik oqalo-

qatigiippugut assigisaanillu.Asuli oqaloqatigiinneruvoq,ammulli aqqussuanut oqilisaataavoq.Ataanut apissikkatta nulia-

ni ilaqutaalu uannut ilisaritippai.Ammukarnerput sivisulaarpoq,arriitsuararsuarmik ingerlagatta.

Kisianni pisimasoq taanna misigeqqippara.Taava Anersaaq Illernartoq oqarpoq:"Taannaavoq iliuutsit siulleq."Uangalu

qiavunga...qiavungalu...Paasisinnaanngilara maani susoqartoq.Qiaannarpunga...

Anersaaq Illernartup takutitaa tulleq tassaavoq Mary.Arnaavoq oqaluffinnut naalagiariartortartoq.Issiavimmi assakaasu-

limmi issiasuuvoq.Naluara suna nappaatigineraa,talinili sakissaminut tuttillugit paarlassimasuaannarpai.Isumaqarpunga

nukii sukassimasut,aammalumi assai.Aamma oqalunniarnini ajornakusoortippaa.Sungiusartarfimmi najugaqartuuvoq,

sapaatillu tamaasa oqaluffimmiit aaneqartarpoq.

Aammattaaq sapaammi uani Roland-ip,ikinngutima ilaata,taanna oqaluffiliaappaa.Oqaluffiup silataani oqaloqatigiippugut

eqqaamanerlunngikkukkulu biiliminiit arnaq taanna anninnialeraa ikiulerpara.Sapaammi tassani immikkut tusarnaartitsi-

soqarniarpoq,niviarsissat Kristumiut Los Angeles-ip eqqaamiui erinarsoqatigiit tusarnaartitsiniaramik,Mary-lu saarlerpa-

amiikkusuppoq.Rolandip issiaqatigeqqullutik neqeroorfigaanga.(Panertooqaanga.)Taava oqaluffimmi saarlerpaamukaap-

parput kaassuarlugu,ataasiinnarmilli Rolandimut inissaqarpoq.Inissatuaq alla Mary-p tunuaniippoq,saamiatungaani.

Naalagiarneq tussiaqattaarnerlu aallartipput.Sunaanersoq pillugu Mary nakkutilerpara.Siornatigut Mary iluamik isigillu-

arsimanngilara,erinarsoqatigiinnerullu ingerlanerani isigaara qinngornilillusooq.Malugisinnaavara Guutip Qanikkaa.Una

nassuiarsinnaanngilara,isigineranili killitsippunga.Guutip qanissusia kiinaani isaanilu takuneqarsinnaavoq,qinngorneqar-

porlusooq tassani issiavimmini assakaasulimmi issiatilluni.Soorlumi erinarsorneq tamaat milluaannaraa.Suna pissutigi-

nerlugu alarsinnaanngilara,tusarnaajutigalunga nakkunnerani.Naalagiarnitsinni atugaannut tulluuteqqissaangaarami.

Asu,ukua erinarsoqatigiit immikkoortut tamarmik arnaapput inuusuttut,40-t missaaniillutik.Ukiui 13-iniit 18-it tungaano-

orput,tamarmillu assigiinnik aappaluttunik atisaqarlutik pinneqaat.Takusinnaavakka inuusuttuaraallutik aatsaat inuutsa-

8:30

ruttulersut inuunissartillu iserfigissamaaruttuleraat.Iikkanut sanileriiaarlutik saavanullu siassimapput.Mary-lu aajuna is-

sialluni qinngorsimavoq.Maluginiarsarigaluarpara tassani issiavimmi assakaasulimmi sunik misigisaqarnersoq.

Mary 30-it missaannik ukioqarpoq.Paasinikuuara inuusukkallarami qiimmassaasunut siulersuisuusarsimasoq assigi-

saanulluunniit,suunersumik nappaateqalinngikkallarami.Aajuna issiavoq ukualu nivissat isiginnaarlugit,13-niit 18-nut u-

kiullit,timiminiilluni assaniluunniit pattatsissinnaanagit.Oqareernittuut,maani issiavunga taannalu arnaq isigalugu,alla-

mik isumaarullunga.Isikka taassumunnga aalajangeqqapput.Anersaaq Illernartup Qanikkaa malugisinnaavara,eqqaama-

julli,uanga taamanikkut Anersaaq IIlernartoq suli ilisarinngikkallarakku pisimammat.

Naalagiarnerput naammat arnaq taanna ornippara pakkuterujussuarlugulu kunippara,oqarfigaaralu asallugu.Oqaluffimmi

inuit imminnut pakkutaartarput,amerlanertigulli pisuusaarnerusarlutik.Kristusimili angisoorujummik asannittorujummillu

pakkuppara,sakkortuumillu eqitaarlugu.Nassuiarsinnaanngilara sooq taamaaliornerlunga.Taamaaliuinnarpungali...

Taava,naalagiareernerup kingorna,kisermaaqatigiiusut ilaat aappariinnut katerlaanut nalliuttorsiornissaminnut qaaqqusi-

simasunut orniguppugut.Unnuk taanna nalliuttorsiornermi Mary sivisungaatsiartumik sammivara.Quiasaaqatigivara,oqar-

figaara ilaa pequertorujuusutinuna,pissutigalugu niaaqquminut qilerussimagamiuk kakkissaat qalipaatigissaartorujussu-

aq.Eqqaamavara iniminit nikinnani kaavittoq,uannullu isiginiarsaraluni oqalunniarsaralunilu.Oqarpoq:"Ullumikkut ulloq

nuannernersaavoq ulluni sivisoorujummik atorsimasanni."Oqaasiisa qamuuna iluarusutsippaannga,ullorlu taanna aallar-

nerfigalugu uannut taanna immikkut pingaaruteqalersimavoq.Tassalu qatanngutigalu arnaq nuannattut qimappagut.Taa-

va Mary-mik isigisakka tammarput,Anersaarlu Illernartoq oqarpoq:"Iliuutsivit tassa aappaat."

Pingajussaallu uannut takutinneqarpoq.Suna pinerlugu pingajussaata taassuma paatsuungatippaanga,soqutaavallaan-

nginnamimi,assilissalli aallartipput.Unnukkuuvoq Gateway-imi,Kristumiut aappaqanngitsut katisimaartarfiat.Qatannguti-

galu arnaq taakunga ingiaqatigiippugut ataasinngornerusoq.Taakunnakulaarunnaarnikuugaluarpoq,uanili ataasinngorne-

rusoq unnukkaa ingerlaqatigivaanga.

Los Angeles-ip eqqaamiumiit erinarsortartumit tikeraarneqarput.Taanna erinarsortartoq,isumaqarpunga,avannamut ing-

erlarusaarniarunarpoq erinarsukkaminillu immiussarisimasaminik tuniniaajutigaluni Oqaluffinni allanilu tusarnaartitsisar-

nermigut.Eqqaanartippara Mama Cass-imut erinarsoqatigiinneersuniit Mama's aamma Papas-ikkunniit.Angivoq oqima-

allunilu,pinnerpallaanngilaq erinarsullaqqippallaaranilu.Isumaqarpunga tusarnaaqatimma aamma tusarnarivallaanngik-

kaat.Eqqaamavara qatanngutinnut oqarlunga:"Pitsaavallaanngilaq",erinarsorporlu pingasorianngikkuni sisamariarluni.

Erinarsoreermat naalagiarnerup pingaarnerusortaa aallartinnginnerani unillatsiarneqarpoq.Oqalugiartoq oqarpoq,erinar-

sortartoq inip kilorpiaani immiussarisimasaminik piserusuttoqarpat tuniniaaniartoq.Unillatsiarneq aallartippoq,qinerpu-

ngalu,nikittoqanngilarli.Tamarmik issiaannarput.Taava arriitsumik nikuillattaalerput imeq,kaffi,kaagit allallu tamulugassat

ornillugit,nipilersukkanilli immiussanik pisiniartoqanngilaq.

Aningaasivinniitippakka 20 dollarsit benzinasiutissakka,tassami tassunga atorniarakkit.Qanoriliuusera nassuiarsinna-

anngilara.Uanga... aajinnga erinarsortartoq isigaara... taanna napaannarpoq... naluara... uanga qiperuisartuuvunga eq-

qumiitsuliortuullungalu,ajunngilaq,nikuippunga nuanniitsumillu båndisillunga.

Niviarsissallu tuniniaassisup aperaanga:"Båndi sorleq pisiariniarpiuk?"

"Arlaannik tuniinnannga",akivara.

Taava 20 dollarsiutiga pappiala isaakkakku utertussaqartinngilaanga.Eqqarsaleraluarpunga marlunnik båndisiinnarni-

arlunga,imminulli oqarfigivunga:"Naamivik,benzinasiutissaqartariaqarpunga."Taava erinarsortartoq nerrivimmut aggeq-

quaa,kiinaatigullu takusinnaavara iluarusuttoq båndimik pisiniarsimagama.Tamatuma nalaani qatanngutima ornippaa-

tigut maannga inip kiluanut imiuserluni kaagiuserlunilu.

Nakkuppaanga oqarlunilu:"Båndisivutit."

"Suuu",akivara.

Angerlaratta pilerpaanga:"Sooruna båndisisutit?"

Akivara:"Naluara."

Qatanngutiga oqarpoq:"Pikkorippallaanngilaq."

9:30

Akivara:"Suu,nalunngilara,uangali eqqumiitsuliortuuvunga,nalunngilaralu qanoq misigissallunga saqqummersitsigalu-

arlunga pisisoqanngippat.Eqqarsaatigaluguuna nallinnarpallaaqimmat."

Qatanngutiga aningaasaatiminut ingasattumik paarsilluartuuvoq,båndimullu 10 dollarsit akiliutigissallugit qatanngutin-

ni aningaasarpassuupput.Allatut oqarsinnaanngilanga,aammaloorlunga,nalugakku sooq taamaaliornerlunga, - taamaa-

liorpungali.

Taava assilissat unipput,Anersaarlu Illernartoq oqarpoq: "Tassalu iliuutsivit pingajuat." Ilaannikkut tamakku eqqartule-

raangakkit anniaatigisarpakka pisimasut misigeqqittarakkit.Naak ajunngitsuliornerugaluartut... - taamaaliorneralu ilu-

arisarpara.Suna pissutiginerlugu taamaaliortarpunga.Tamakkuli imminiiginnartigit ingerlaqqillutalu.

Taamaakkaluartorli,tamakku pisimasut misiginerini isummakkut takusanni,qiajuarpunga,tokorluuinera tamaat.Taava

Anersaaq Illernartup oqarfigaanga,taamannak attaveqarnitsigut,sunaluunniit kissaatigisara pisinnaaginga.

Anersaaq Illernartoq oqarpoq:"Sumilluunniit kissaatigisarnik tunerusuppakkit."Nuanningaarami.Taamannak tusarluni

nuanningaarami.

Nalunngilarami kina oqalunnersoq,Anersaarlu Illernartoq oqaqqippoq: "Sumilluunniit kissaatigisarnik tunerusuppak-

kit,sumilluunniit." Oqarpoq:"Ilumoortumik oqarfigaakkit."

Nalunngiinnarpara silaqarluarlunga,aammalu Anersaaq Illernartup sumilluunniit tunerusukkaanga taakku pisimasut

pingasut piinnarlugit.Tamakkuli tamarmik uannut paasinanngillat,timima akuerisinnaanngimmagit.Uppernanngivipput,

taamannak oqanngilanga,misigisimavungali.Taava qiaannalerpunga,qiavunga qiavunga sulilu aamma qiallunga.Ilukkut

misigisaq nuanneqaaq,nassuiarsinnaanngilaralu.

Qiavunga qiavunga,taavali,tassanngaannaq,isumaga maskiinatut sukkalluinnartutuut sulilerpoq,eqqarsarpungalu,pi-

sariaqartitsillunga imaattumik imaattumillu:niuernikkut iluanaarusuppunga;illuma suliarinera naammasserusuppara.

Tamakkorpassuit qaratsakkut sukkasoorujummik aqqusaartorput,sunalu pissutiginerlugu qianera nipittoriartulerpoq

nipittoriartulerpoq,una tikitserlugu,kissaatigisama oqaatiginissaa sapilerlugu,nalunngikkaluarlugu suunersoq.

Taavalu soorlu sunaanersoq iluamik inissittoq,isumagalu unilluni.Oqarpunga:"Taamaallaat kissaatigaara Ilinniinnis-

sara",taavalu qiavunga qiavunga.Uumaangaa,-assaa qiasunga.Oqarpunga:"Ilinniikkusuinnarpunga."Taamaallaat taa-

mak oqarpunga,qiallungalu...(Aja qanera paneq).

Taava ini nipaaruppoq.Naluara qanorililluni taamaalinersoq?Qanorililluni Anersaaq Illernartup oqaatigaa...?Anersaaq

Illernartoq oqarpoq: anngiiarnissara tusarusullugu,sulilu qiavunga,eqqaaniarsaralugulu suna anngiiaassutigissanerlu-

gu.Eqqaasinnaavakka pisimasut sisamat tallimalluunniit,eqqoriarpara,pisimasumilu tassani suli qiallunga.Taanna o-

qaatigisuaannartariaqarpara timiga silarsuarmi maaniimmat isumagali tarnigalu silarsuarmi allamiillutik.

Atagumi,ajortuliuutit tamakku eqqarsaatigilerpakka,isumaqarpunga,oqaatigilerlugillu imaluunniit eqqarsaatigilerlugit.

Kisiannili suli aallartilluarnanga,nassuiarsinnaanngilara susoqartoq...Eqqarsaatigalugit aallartittungalu oqaatigilerlu-

gillu,isumanniit nunguterneqarput,-misigisaq eqqumiitsorujussuaq.Uanga,...soorlumi pereersimasunik eqqaamasaa-

rulluinnarlunga,ajortuliama tullia taanialerigalu,qarasanniit nunguterneqassaaq.Ajortuliakka tamaasa aqqusaartorpak-

ka,ullumimullu allaat eqqaamasinnaanngilara suut anngiiaatigisimanerlugit.Ilumut,suut tamaasa nassuerutigaakka,

misigisarlu nuanneqaaq.

Eqqaamavara,naartutuut pequliassimallunga aallersimanermut,qanera panertoortorujussuaq,ataanullu imeriartorta-

riaqartunga.

Taava imminut utoqqatserfigivunga,imeruersariartorniarama,Anersaarlu Illernartoq oqarfigalugu:"Ataanut atertariaqar-

punga imeriartorlunga,qilalerama"."Ilumut,-iggiara parnuppoq."

Taamannak oqarpunga,nalullugu assuarnannginnersoq anillannissannut,kisiannili panertoornermit timiga sapilivikka-

mi.

Taamaattumik nikuippunga ataanilu nillataartitsivik ornillugu.Imeruersarpunga,kisianni malugivara Anersaaq Illernar-

tup Qanissusia iggavimmut iserniariartorlu.Malugisara nassuiarsinnaanngilara.Nalunngiinnarpara Anersaaq Illernartup

ingiaqatigigaanga.Anersaanni allaat takuara kiinnama allannguallannera.Naluara qanorililluni,isumannili nammineq

kiinara takuara.

Uneriasaarpunga aperalungalu:"Maaniippit?"

10:30

Anersaarlu Illernartoq akivoq:"Aap,maaniipPUNGA."

Oqarpunga:"Åh."

Nillataartitsiviup matua matuara imigassaralu imerlugu,malugaangalu...,oqaaseq eqqumiinngilaq,iluarusuppunga,

Anersaalli Illernartup iggavimmut malimmanga eqqumiilluinnartuuvoq,uannullu misigisaq nalinginnaasuunani.

Tummeqqakkut majualerama oqarpunga:"Maaniippit?"

Anersaarlu Illernartoq akivoq:"Aap,MAANIIPPUNGA."

Siniffinnut innarpunga.Eqqissineq misigaara,isumakuluuteqannginneq ajunngitsullu tamaasa.Anersaaq Illernartoq

oqarfigaara:"Nalunngilat manna nutaajusoq,aamma eqqumiippoq,sapinngisannik sumilluunniit iliorumaarpunga,su-

milluunniit qinnuigigumma.Artukkerlungali tuniniaqinanga" Anersaarlu Illernartup tamatuminnga neriorsoqqippaa-

nga.Naluara,qamuuna iluarusoqaanga,nassuiarsinnaanngilarali.Unnuk taanna sinilluaqaanga.

Pingasunngorneq unnummat Qajannaatsup Oqaluffianut (Four Square Church) naalagiariartorpunga,eqqissiveerup-

pungali.Misigivunga toqqissisimajunnaarlunga,paatsiveeruteqqallunga,seeqqukkalu sanngiillisimasutut ipput.Piler-

saarutigigaluarakku naalagiareerutta immikkut ittumik ikinngutiga orninniarlugu,paasiniarlugu Juannasip iivangkiili-

uani kapitali 11 atuarsimaneraa.Oqaluffimmut isertoq takugaluarpara,suunersulli sunnerpaanga oqaloqatigissanng-

ikkiga,ornissanngikkigalu.Taamaattumik naalagiareeratta arpaasaannarlunga biilinnukarpunga angerlarlungalu.

Angerlamut ingerlatillunga ajortunik eqqarsaateqalerpunga,soorlumi taanna inuk uumissorlugu,imaluunniit ikinngu-

tiga uumissoringa uumissormanga,imaluunniit isikkorluttarmanga.Niaqqunni eqqarsaatipiluit tamalaat kaavipput

naak taamaattanngikkaluarlunga.Taava oqartalerpunga:"Sataniaa Jiisusip Kristusip Aqqani taamaaliornanga" unis-

sappummi,taamaallaalli sikuntip affaani minutsi ataatsimiluunniit unittarput.Taava takkuteqqittarput,oqassaangalu:

"Sataniaa Jiisusip Kristusip Aqqani taamaaliornanga"taava uneqqikkallassapput.Angerlamulli apuunnissara tikillu-

gu taamaaliortuarpunga.

Taava,apuuttarfinnut inissikkama tummeqqatigullu majualerlunga,misigisimalerpunga ikinngutinnut Susan-imut si-

anertariaqarlunga.Susan ilisarisimalernikuuara ukiumi ataatsimi tamatumaluunniit missaani.Asuli oqaloqatigiinn-

arniaraluarpara.Oqarasuaataata normua pigaara allattaavinni aappaqanngitsut allattorsimaffianni quppernerup ater-

piaani - tuschimik angisuunik allassimallugu.Misigisimavunga tassunga sianertariaqartunga,naluarali sooq.Imma-

qa misigisannik kingullernik oqaluttuukkusullugu.Taava ininnukarpunga sianerfigiartorlugu.Oqarasuaataata normua

toortalerlugulu malugilerpara normuani kisitsit kingullerpaaq amigaataasoq.

Isima saanni tammanngilaq,kisitsilli amigaataavoq,angerlamullu eqqarsaatipiloqarnikuugama imminut oqarfigivu-

nga,"Utaqqilaarit,una imaattuunngilaq 2 plus 2-p inernera 4-raalluni."Ininni pisoqattaalerpunga,aalajangerlungali a-

taanukariarlunga pappiliaasivinni oqarasuaatinnut akiligassat allagartai misissoriartorniarlugit taassuma normua i-

laassanasoralugu.Ungasissumut sianerneruvoq nalunngilaralu akornanniissasoq.Normua nanigakku qummukaq-

qippunga sianeriartorlunga sianerfigaaralu.Arnaa oqarpoq unnuk naallugu peqarnianngitsoq.

Tamakkua tamarmik eqqissisimajunnaartippaannga,taavalu natermi uteqattaaqqilerpunga imminullu oqarfigalunga:

"Susoqartoruna? Susanip oqarasuaataata normua qanorilisimanerpoq",imminut uteqattaalerpara.Taava ikinngutin-

nut Alicemut sianerpunga,ikinngutiga Kristumiu mormuuniusoq,neriuutigigakku Kristumiutut eqqarsarluarsinnaas-

sasoq ikiussaguninga.Alice oqaluttuuppara susoqarsimaneranik,paasisinnaanagulu Susanip oqarasuaataata nor-

mua kisitsimmik ataatsimik sooq amigaateqarnersoq.

Oqaluttuuppara eqqarsaatipalaannik,akivaangalu:"Ray,inuit kiffartuuppatit,Satanillu kissaatiginngilaa inunnik kif-

fartuussinissat.Taamaattuminguna saassukkaatit."

Oqarpunga:"Aa,ilumuut."Oqaasiisa ersitillungalu tupaallatsippaannga.

Oqarpoq:"Anersaaq Illernartoq qinnuigilara paareqqullutit."

Maannakkut kiisa isumaalulerpunga.Sumininnguilluunniit isumaalutsittarpaannga.Taava qinulerpoq.Tamanna pivoq

oqarasuaatikkut nal.22:30 missaani,pingasunngorneq unnukkut naalagiareernerup kingorna,Anersaaq Illernartumik

naapitseqqaarfinniit sapaatip akunnera ataasingajak qaangiuttorlu.Alice qinulluni aallartittorlu pania qiarpalulerpoq.

Tusaasinnaavarami taqqamaniippaluttoq,Alice-li unigani qinuinnarpoq,paniatalu qianini nipittoriartortippaa.

Oqarpunga:"Alice,qinunerit tusaasinnaanngilara."

11:30

Taava Alice nipitunermik oqarasuaatikkut qinulerpoq.Taamaalisorlu aamma paniata qianera nipittoriartuinnavippoq.

Paniata qianera ima nipittortigaaq,allaat Alice-p oqaasii tusaasinnaajunnaarlugit.

Oqarpunga:"Alice,suaartartariaqalerputit,tusaajunnaarakkit."

Alice-p qinunini nangippaa kipisuitsumik.Sikunti ataaseq unillatsiariarluni suaarpoq:"Isumaalunnak,Anersaaq Il-

lerna